تورکیا کێشە لەنێوان کورد و سریاندا دەنێتەوە
بەفیتى دەوڵەتى تورکى دانیشتوانى هەندێ گوندى کوردى لە باشورى کوردستان سکاڵا
تۆماردەکەن لەسەر دێر (مارکیرائیل)ى سریانى کە مێژووەکەى دەگەڕێتەوە بۆ سەدەى
چوارەمى زاینى و دەکەوێتە ناوچەى تۆرعابدینى سەر بە ولایەتى ماردین، لەو
سکاڵایەشدا هاتووەکە بەڕێوەبەرانى ئەو کلێسایە بەر لە دەیان سالڕ لەمەوبەر زەوى
کشتوکاڵى موسڵمانان و موڵکى دەوڵەتیان داگیرکردووە .
سلێمان یوسف کەسایەتى ئاشورى سوریا بە ماڵپەڕى (ئیلاف)ى راگەیاندوە کە مەبەستى
دەسەڵاتدارانى تورکیا لەو سکاڵایە کولاندنەوەى زامەکانى پێشوو و دوبارە نانەوەى
ئاژاوەیە لە نێوان کوردە موسڵمانەکان و ئاشوریە مەسیحیەکانى ناوچەکە.
بەرپرسى ئەوقافى ( دێر مارکیرائیل )یش وتى " هەرچەندە هیچ بەڵگەیەک نیە
موڵکدارى کوردەکان سەبارەت بەو زەویانە بسەلمێنێت لە بەرانبەردا ئێمە چەندین
بەڵگەى سەردەمى عوسمانى و سەرەتاى سەدەى رابردومان هەیە کە دەیسەلمێنێت ئەو
زەویانە موڵکى دێرەکەیە ، بەڵام نیگەرانیشم چونکە ئەو سکاڵایەى سەرۆک
هۆزەکوردەکانى ناوچەکە بە هاوکارى پەرلەمانتارانى کورد و پشتگیرى و هاوسۆزى
پەرلەمانتارانى حیزبى داد و گەشەپێدان و ئیسلامیە توندڕەوەکان ئەو دۆسییەیان
کردووەتەوە .
لە درێژەى قسەکانیشیدا هەر ئاکامێکى سلبى کە لە کێشەکە دەکەوێتەوە دەخاتە
ئەستۆى دەوڵەتى تورکى .
سلێمان یوسف وتیشى " لە کاتێکدا ئەرمەن و ئاشوریەکان چاوەڕێى ئەوەیان دەکرد
دەوڵەتى تورکى بەرپرسیارێتى خۆى لە کوشتارەکەى ساڵى 1915 رابگەیەنێت و داواى
لێبوردن لە مەسیحیەکان بکات ، دەبینین ئەو دەوڵەتە کار دەکات بۆ کولانەوەى
زامەکان و جۆشدانى ئاشوبەى ئاینى لە ناوچەکە".
Copyright © 2008