هه‌واڵ

بۆ کۆمەک کردنیان و بەمەبەستى دامەزراندنى ئەنجومەنى نەتەوەیى
تورکمانە شیعە و سونەکان لەئەنکەرە کۆدەبنەوە

لە ماوەى رابردوودا چەندین وەفدى لایەنە تورکمانیەکانى عێراق روویان لە تورکیا کردووە و لەگەڵ بەرپرسانى ئەو وڵاتەدا تاوتوێى دوا گۆڕانکاریەکانى عێراق و پرسى دامەزراندنى ئەنجومەنى نەتەوەیى تورکمانەکانى عێراق دەکەن .
سەرچاوەکان ئاماژە بەوە دەدەن کە لە نێو ئەو وەفدانەدا کەسایەتى و بەرپرسى حیزبى و پەرلەمانتارى تورکمانى شیعە و سونە هەیە لەوانە (عەباس ئەلبەیاتى، فریاد توزلو، عیزەدین ئەلدە ولە، فەوزى ئەکرەم تەرزى و سەعدەدین ئارگیج ).
لەو دانیشتنانەدا پرسى یەکڕیزى و یەکدەنگى تورکمانەکانى عێراق (بە شیعە و سونە)وەو بەسەرپەرشتى بەرپرسە تورکەکان تاوتوێ کراو و هەندێ لەسەرکردەکانى تورکمان داوایان لەوەزارەتى دەرەوەى تورکیا کردووە پشتگیرى لە دامەزراندنى ئەنجومەنى نەتەوەیى تورکمان (پەرلەمانى تورکمانى ) بکات کە پیشتر لەلایەن ریاز سارى کەهیەى سەرۆکى حیزبى تورکمان ئیلى و رکابەرى ئارگێچەوە پێشنیار کرابوو .
ئەم جمجۆڵەى تورکمانەکان هاوکاتە لەگەڵ ئەو جمجۆڵە سیاسیانەى لە گۆڕەپانى سیاسى عێراقیدا لەئارادایە کە لە دژایەتى کردنى پرۆژەى کوردى خۆیان دەبیننەوە، هەروەها خۆئامادەکردنێکە بۆ چونە ناو هەڵبژاردنەکانەوە .

◄ بگه‌ڕێوه‌ بۆ سه‌ره‌تا